Slesi Za Mkate Za Jibini Na Kitunguu Saumu (Thomu) Na Oregano (Italian)

Slesi Za Mkate Za Jibini Na Kitunguu Saumu (Thomu) Na Oregano (Italian)

Vipimo 

Slesi za mkate-    15 – 20   

Kitunguu saumu(thomu/galic) kilosagwa -  3 vijiko vya supu 

Jibini ya malai (cream cheese) - ½  kikombe 

Siagi  (butter) - 2 kijiko vya supu 

Mafuta ya zaytuni (olive oil) - 1 kijiko cha supu 

*Oregano (Italian herb)  -  ¼ kikombe

Namna Ya Kutayarisha Na Kupika 

1. Saga kitunguu thomu kiwe laini kabisa.  
2. Katika bakuli dogo, changanya  kitunguu thomu, siagi, jibini na mafuta. Koroga ichanganyike vizuri. 
3. Pakaza kwenye slesi za mkate  
4. Nyunyizia oregano juu ya slesi
5. Choma (grill) katika moto mdogo mdogo hadi slesi ziegueke rangi kidogo. Kisha epua zikiwa tayari

Kidokezo: 

1. Kiasi ya vipimo inategemea upendavyo kujaza slesi za mkate . Ikiwa utapenda kujaza kwa wingi, unaweza kuongeza kila kipimo kidogo zaidi.  
2. Oregano inauzwa tayari madukani
3. Slesi nzuri zikiliwa moto moto na chai.