Imaam Ibn 'Uthaymiyn: Ramadhwaan: Hukmu Ya Aliyefariki Akiwa Ana Deni La Swiyaam Za Ramadhwaan
Hukmu Ya Aliyefariki Akiwa Ana Deni La Swiyaam Za Ramadhwaan
Imaam Ibn ‘Uthaymiyn (Rahimahu-Allaah)
SWALI:
Nini hukmu ya mtu aliyefariki na huku anadaiwa Swiyaam za Ramadhwaan?
JIBU:
Ikiwa amefariki na huku anadaiwa Swiyaam za Ramadhwaan, basi mmoja wa aliyekuwa na jukumu la mambo yake katika jamaa zake walio karibu naye au warithi wake wafunge kwa ajili yake. Hii imetajwa katika Hadiyth kutoka kwa ‘Aaishah (Radhwiya Allaahu ‘anhaa) kwamba Nabiy (Swalla Allaahu 'alayhi wa aalihi wa sallam) amesema: ((Yeyote aliyekufa wakati ana deni la (Swawm) ya Ramadhwaan, basi yule mwenye jukumu la mambo yake afunge kwa ajili yake)).
Ikiwa aliyekuwa na jukumu la mambo yake hatofunga kwa ajili yake basi amlishe masikini mmoja kwa kila siku moja aliyokuwa akidaiwa.
[Imaam Ibn ‘Uthyamiiyn Fataawa Ramadhwaan - Mjalada 2, Ukurasa 626, Fatwa Namba 626; Fiqh Al-'Ibaadaat libni 'Uthaymiyn - Ukurasa 202-203]
