Kipengele Maalumu

Hakika Shirki Ni Dhulma Kubwa Mno!

02-Hakika Shirki Ni Dhulma Kubwa Mno! - Shirki Ni Aina mbili Na Tofauti Zake

 

إِنَّ الشِّرْكَ لَظُلْمٌ عَظِيمٌ

Hakika Shirki Ni Dhulma Kubwa Mno!

02- Shirki Ni Aina mbili Na Tofauti Zake

Alhidaaya.com

 

Shirki ni aina mbili; shirki kubwa na shirki ndogo.

 

1-Shirki kubwa inamtoa mtu nje ya Uislamu, ‘amali zake zote zinaporomoka, mwenye kumshirikisha Allaah (Subhaanahu wa Ta'aalaa) kwa shirki kubwa huwa ni halali damu na mali yake na ni mwenye kudumu Motoni ikiwa hatotubia kabla ya kufariki kwake. Na dhambi ya shirki kubwa ni dhambi pekee ambayo Allaah (Subhaanahu wa Ta'aalaa) Hamsamehe mja atakapokufa bila kutubia. Anasema Allaah (Subhaanahu wa Ta'aalaa):

 

إِنَّ اللَّـهَ لَا يَغْفِرُ أَن يُشْرَكَ بِهِ وَيَغْفِرُ مَا دُونَ ذَٰلِكَ لِمَن يَشَاءُ ۚ 

Hakika Allaah Haghufurii kushirikishwa; lakini Anaghufuria yasiyokuwa hayo kwa Amtakae. [An-Nisaa: 48]

 

Shirki kubwa ni kuelekeza ‘ibaadah na kuomba du’aa kwa asiyekuwa Allaah (Subhaanahu wa Ta'aalaa). Washirikina wao ndio kabisa hawamwabudu Allaah (Subhaanahu wa Ta'aalaa) japokuwa huenda wengine wanaamini kuwa Allaah (Subhaanahu wa Ta'aalaa) Ndiye Muumba kama walivyoamini hivyo washirikina wa Makkah. Shirki yao imethibiti katika ‘Uluwhiyyah (‘ibaadah) pale walipoabudu masanamu wakidai kuwa yanawakurubisha kwa Allaah (Subhaanahu wa Ta'aalaa) kama ilivyotajwa katika Qur-aan:

 

وَالَّذِينَ اتَّخَذُوا مِن دُونِهِ أَوْلِيَاءَ مَا نَعْبُدُهُمْ إِلَّا لِيُقَرِّبُونَا إِلَى اللَّـهِ زُلْفَىٰ

na wale waliojichukulia badala Yake walinzi (wakisema): “Hatuwaabudu isipokuwa ili wapate kutukurubisha kwa Allaah tumkaribie”  [Az-Zumar: 3]

 

Wengine ndio wamemshirikisha Allaah (Subhaanahu wa Ta'aalaa) na viumbe Vyake wakawafanya ni ilaah (waabudiwa) wao. Juu ya hayo, Allaah (Subhaanahu wa Ta'aalaa) Anamghufuria yeyote yule anayerudi kutubia Kwake baada ya kufuru na shirki kubwa kama hizo.  Dalili ni kauli zifuatazo katika Qur-aan:

 

لَقَدْ كَفَرَ الَّذِينَ قَالُوا إِنَّ اللَّـهَ هُوَ الْمَسِيحُ ابْنُ مَرْيَمَ ۖ وَقَالَ الْمَسِيحُ يَا بَنِي إِسْرَائِيلَ اعْبُدُوا اللَّـهَ رَبِّي وَرَبَّكُمْ ۖ إِنَّهُ مَن يُشْرِكْ بِاللَّـهِ فَقَدْ حَرَّمَ اللَّـهُ عَلَيْهِ الْجَنَّةَ وَمَأْوَاهُ النَّارُ ۖ وَمَا لِلظَّالِمِينَ مِنْ أَنصَارٍ﴿٧٢﴾

Kwa yakini wamekufuru wale waliosema: “Hakika Allaah ni Al-Masiyh mwana wa Maryam.” Na Al-Masiyh alisema: “Enyi wana wa Israaiyl! Mwabuduni Allaah, Rabb wangu na Rabb wenu. Hakika mwenye kumshirikisha Allaah bila shaka Allaah Atamharamishia Jannah, na makazi yake yatakuwa ni motoni. Na madhalimu hawatopata yeyote mwenye kunusuru.”

 

لَّقَدْ كَفَرَ الَّذِينَ قَالُوا إِنَّ اللَّـهَ ثَالِثُ ثَلَاثَةٍ ۘ وَمَا مِنْ إِلَـٰهٍ إِلَّا إِلَـٰهٌ وَاحِدٌ ۚ وَإِن لَّمْ يَنتَهُوا عَمَّا يَقُولُونَ لَيَمَسَّنَّ الَّذِينَ كَفَرُوا مِنْهُمْ عَذَابٌ أَلِيمٌ ﴿٧٣﴾

Kwa yakini wamekufuru wale waliosema: “Hakika Allaah ni watatu wa utatu.” Na hali hapana Muabudiwa wa haki isipokuwa Ilaah Mmoja Pekee. Na wasipoacha yale wanayoyasema, bila ya shaka itawagusa wale waliokufuru miongoni mwao adhabu iumizayo.

 

أَفَلَا يَتُوبُونَ إِلَى اللَّـهِ وَيَسْتَغْفِرُونَهُ ۚ وَاللَّـهُ غَفُورٌ رَّحِيمٌ ﴿٧٤﴾

Je, hawatubii kwa Allaah na wakamwomba maghfirah? Na Allaah ni Mwingi wa kughufuria, Mwenye kurehemu. [Al-Maaidah: 72-74]

 

2-Shirki Ndogo: Ambayo inakulikana kwa “riyaa” ni kufanya ‘ibaadah au kutenda amali lakini kwa niyyah ya kujionyesh a kwa watu. Shirki hii haimtoi mtu nje ya Uislamu bali ‘amali zake huporomoka na, ni mwenye kuadhibiwa Motoni kwa kadiri ya madhambi yake.

 

Rasuli wa Allaah (Swalla Allaahu ‘alayhi wa aalihi wa sallam) amewahofia Swahaabah aina hii ya shirki:

 

عن مَحْمُودِ بْنِ لَبِيدٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إنَّ أخوَفَ ما أخافُ عليكم الشِّركُ الأصغرُ، قالوا: وما الشِّركُ الأصغر؟ قال: الرِّياءُ، يقولُ اللهُ عزَّ وجلَّ لأصحابِ ذلك يومَ القيامةِ إذا جازَى النَّاسَ اذهبوا إلى الَّذين كنتم تُرائون في الدُّنيا فانظُروا هل تجِدون عندهم جزاءً؟"  - صححه الألباني في السلسلة الصحيحة(951 )

Imepokelewa kutoka kwa Mahmuwd bin Labiyd ambaye amesema: Rasuli wa Allaah (Swalla Allaahu ‘alayhi wa aalihi wa sallam) amesema: Hakika nnachokihofia kwenu zaidi ni shirki ndogo. Wakasema: Ni ipi hiyo shirki ndogo? Akasema: Ar-Riyaa. Allaah ('Azza wa Jalla) Atawaambia watu wa Siku ya Qiyaamah pale watakapolipwa watu jazaa: Nendeni kwa wale mliokuwa mkijionyesha kwa ‘amali zenu duniani kisha tazameni je, mtakuta kwao jazaa? [Ahmad na ameisahihisha Shaykh Al-Albaaniy katika Silsilat Al-Hadiyth Asw-Swahiyhah (951)]

 

Share

Tarjama Ya Maana Ya Qur-aan (Translation Of The Meaning Of Al-Qur-aan)

Bonyeza Hapa Kwa Faida Ziada

Fadhila Za Nabiy (صلى الله عليه وآله وسلم)

40-Fadhila Za Nabiy (صلى الله عليه وآله وسلم): Amepewa Mambo Matano Ambayo Hakupewa Nabiy Yeyote Mwenginewe

Fadhila Za Nabiy (صلى الله عليه وآله وسلم)

40-Amepewa Mambo Matano Ambayo Hakupewa Nabiy Yeyote Mwenginewe

www.alhidaaya.com

 

 

 

عن جَابِرُ بْنُ عَبْدِ اللَّهِ، أَنَّ النَّبِيَّ صلى الله عليه وسلم قَالَ: ((أُعْطِيتُ خَمْسًا لَمْ يُعْطَهُنَّ أَحَدٌ قَبْلِي،  نُصِرْتُ بِالرُّعْبِ مَسِيرَةَ شَهْرٍ، وَجُعِلَتْ لِيَ الأَرْضُ مَسْجِدًا وَطَهُورًا، فَأَيُّمَا رَجُلٍ مِنْ أُمَّتِي أَدْرَكَتْهُ الصَّلاَةُ فَلْيُصَلِّ، وَأُحِلَّتْ لِيَ الْمَغَانِمُ وَلَمْ تَحِلَّ لأَحَدٍ قَبْلِي، وَأُعْطِيتُ الشَّفَاعَةَ، وَكَانَ النَّبِيُّ يُبْعَثُ إِلَى قَوْمِهِ خَاصَّةً، وَبُعِثْتُ إِلَى النَّاسِ عَامَّةً))

Jaabir bin Abdillah amehadithia kwamba Rasuli wa Allaah (صلى الله عليه وآله وسلم) amesema: “Nimepewa mambo matano hakupewa yoyote kabla yangu; Nimenusuriwa na (kutiwa) kiwewe (nyoyoni mwa maadui) kwa mwendo wa mwezi. Na nimefanyiwa ardhi kuwa sehemu ya kufanyia ‘ibaadah na kujitwaharishia, basi mtu mtu yeyote katika ummah wangu akifikiwa na Swalaah, aswali. Na nimehalalishiwa ngawira hazikuwa halali kwa yeyote kabla yangu. Na nimepewa shafaa’ah (maombezi Siku ya Qiyaamah). Na alikuwa Nabiy akitumwa kwa watu wake pekee, lakini mimi nimetumwa kwa watu wote.” [Al-Bukhaariy (5011)]  

 

Share

Sifa Na Akhlaaq Za Nabiy (صلى الله عليه وآله وسلم)

40-Sifa Na Akhlaaq Za Nabiy (صلى الله عليه وآله وسلم): Unyenyekevu Wake Katika ‘Ibaadah Akivaa Nguo Duni

Sifa Na Akhlaaq Za Nabiy  (صلى الله عليه وآله وسلم)

40-Unyenyekevu Wake Katika ‘Ibaadah Akivaa Nguo Duni

 

www.alhidaaya.com

 

 

حَدَّثَنَا عَلِيُّ بْنُ مُحَمَّدٍ، حَدَّثَنَا وَكِيعٌ، عَنِ الرَّبِيعِ بْنِ صَبِيحٍ، عَنْ يَزِيدَ بْنِ أَبَانَ، عَنْ أَنَسِ بْنِ مَالِكٍ، قَالَ حَجَّ النَّبِيُّ ـ صلى الله عليه وسلم ـ عَلَى رَحْلٍ رَثٍّ وَقَطِيفَةٍ تُسَاوِي أَرْبَعَةَ دَرَاهِمَ أَوْ لاَ تُسَاوِي ثُمَّ قَالَ ‏ "‏ اللَّهُمَّ حِجَّةٌ لاَ رِيَاءَ فِيهَا وَلاَ سُمْعَةَ ‏"‏ ‏.‏

 

Anas bin Maalik (رضي الله عنه) amesema: Nabiy (صلى الله عليه وآله وسلم) alitekeleza Hajj akiwa katika kipando chake cha mnyama, alivaa joho lilokuwa na thamani ya dhirham nne au chini yake. Kisha Nabiy (صلى الله عليه وآله وسلم) akasema:  “Ee Allaah, (nakuomba iwe) Hajj isiyokuwa na riyaa-a (kujionyesha) wala umaarufu.”  [Ibn Maajah, ameisahihisha Al-Albaaniy: Swahiyh Ibn Maajah  (2355), Swahiyh At-Targhiyb (1122)]

 

Share

Aayah Na Mafunzo

134-Aayah Na Mafunzo: Fadhila Za Anayezuia Ghadhabu

Aayah Na Mafunzo

Aal-‘Imraan

Fadhila Za Anayezuia Ghadhabu

Alhidaaya.com

 

Anasema Allaah (Subhaanahu wa Ta'aalaa:)

 

الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّـهُ يُحِبُّ الْمُحْسِنِينَ ﴿١٣٤﴾ 

Ambao wanatoa (kwa ajili ya Allaah) katika hali ya wasaa na katika hali ya shida, na wanazuia ghadhabu, na wenye kusamehe watu. Na Allaah Anapenda wafanyao ihsaan. [Aal-'Imraan: 134]

 

Mafunzo:

 

Abuu Hurayrah  (رضي الله عنه) amehadithia kwamba Rasuli wa Allaah (صلى الله عليه وآله وسلم) amesema: “Aliye na nguvu si mwenye kushinda katika mieleka lakini mwenye nguvu ni ambaye anazuia nafsi yake kutokana na ghadhabu.” [Imaam Ahmad].

 

Na Rasuli wa Allaah (صلى الله عليه وآله وسلم) amesema: “Atakayezuia ghadhabu zake hali ya kuwa anaweza kuzidhihirisha, Allaah Atamwita huku wakishuhudia viumbe wote mpaka Ampe chaguo la Huwr (wanawake wazuri Jannah wenye macho mazuri) wowote awatakao.” [Ahmad].

Share

Asbaabun-Nuzuwl

079-Asbaabun-Nuzuwl: At-Tawbah: Aayah: 79

 

أسْبابُ النُّزُول

Asbaabun-Nuzuwl

Sababu Za Kuteremshwa (Baadhi Ya  Suwrah Na Aayaat Za Qur-aan)

Imekusanywa na: Alhidaaya.com

At-Tawbah: Aayah 79

 

Kauli ya Allaah (سبحانه وتعالى):

 

الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ ۙ سَخِرَ اللَّـهُ مِنْهُمْ وَلَهُمْ عَذَابٌ أَلِيمٌ﴿٧٩﴾

  Wale wanaowafedhehesha kwa kushutumu wenye kujitolea kwa khiari katika kutoa Swadaqah miongoni mwa Waumini, na wale wasiopata (cha kutoa) isipokuwa juhudi zao, wanawafanyia dhihaka, Allaah Analipiza dhihaka zao na watapata adhabu iumizayo. [At-Tawbah: 79]

 

Sababun-Nuzwul:

 

حَدَّثَنِي يَحْيَى بْنُ مَعِينٍ، حَدَّثَنَا غُنْدَرٌ، حَدَّثَنَا شُعْبَةُ، ح وَحَدَّثَنِيهِ بِشْرُ بْنُ خَالِدٍ، - وَاللَّفْظُ لَهُ - أَخْبَرَنَا مُحَمَّدٌ، - يَعْنِي ابْنَ جَعْفَرٍ - عَنْ شُعْبَةَ، عَنْ سُلَيْمَانَ، عَنْ أَبِي وَائِلٍ، عَنْ أَبِي مَسْعُودٍ، قَالَ أُمِرْنَا بِالصَّدَقَةِ ‏.‏ قَالَ كُنَّا نُحَامِلُ - قَالَ - فَتَصَدَّقَ أَبُو عَقِيلٍ بِنِصْفِ صَاعٍ - قَالَ - وَجَاءَ إِنْسَانٌ بِشَىْءٍ أَكْثَرَ مِنْهُ فَقَالَ الْمُنَافِقُونَ إِنَّ اللَّهَ لَغَنِيٌّ عَنْ صَدَقَةِ هَذَا وَمَا فَعَلَ هَذَا الآخَرُ إِلاَّ رِيَاءً فَنَزَلَتْ: ((الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لاَ يَجِدُونَ إِلاَّ جُهْدَهُمْ‏))‏

 

Amenihadithia Yahyaa bin Ma’iyn, ametuhadithia Ghundar, ametuhadithia Shu’bah, amenihadithia haya Bishr bin Khaalid -na tamko ni lake - ametuelezea Muhammad,  yaani Ibn Ja’far - toka kwa Shu’bah toka kwa Sulaymaan toka kwa Abiy Waail toka kwa Ibn Mas-‘uwd amesema: Tuliamuriwa swadaqah. Akasema: Tulikuwa tunabeba mizigo (ya watu), Abuu ‘Aqiyl akatoa nusu pishi –akasema - na akaleta mtu mwingine kitu kingi zaidi yake na wanafiki wakasema: Hakika Allaah Hana haja hata kidogo na swadaqah ya huyu, na hakufanya huyu mwingine isipokuwa kwa ajili ya riyaa tu.  Ndipo ilipoteremka:

 

الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ ۙ سَخِرَ اللَّـهُ مِنْهُمْ وَلَهُمْ عَذَابٌ أَلِيمٌ﴿٧٩﴾

  Wale wanaowafedhehesha kwa kushutumu wenye kujitolea kwa khiari katika kutoa Swadaqah miongoni mwa Waumini, na wale wasiopata (cha kutoa) isipokuwa juhudi zao, wanawafanyia dhihaka, Allaah Analipiza dhihaka zao na watapata adhabu iumizayo. [At-Tawbah: 79]

[Al-Bukhaariy Kitaab Az-Zakaah]

 

Na pia,

 

حَدَّثَنَا عُبَيْدُ اللَّهِ بْنُ سَعِيدٍ، حَدَّثَنَا أَبُو النُّعْمَانِ الْحَكَمُ ـ هُوَ ابْنُ عَبْدِ اللَّهِ الْبَصْرِيُّ ـ حَدَّثَنَا شُعْبَةُ، عَنْ سُلَيْمَانَ، عَنْ أَبِي وَائِلٍ، عَنْ أَبِي مَسْعُودٍ ـ رضى الله عنه ـ قَالَ لَمَّا نَزَلَتْ آيَةُ الصَّدَقَةِ كُنَّا نُحَامِلُ، فَجَاءَ رَجُلٌ فَتَصَدَّقَ بِشَىْءٍ كَثِيرٍ فَقَالُوا مُرَائِي‏.‏ وَجَاءَ رَجُلٌ فَتَصَدَّقَ بِصَاعٍ فَقَالُوا إِنَّ اللَّهَ لَغَنِيٌّ عَنْ صَاعِ هَذَا‏.‏ فَنَزَلَتِ: ((‏الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لاَ يَجِدُونَ إِلاَّ جُهْدَهُمْ)) الآيَةَ‏.‏

Ametuhadithia ‘Ubaydullaah bin Sa’iyd, ametuhadithia  Abuu Nu’maan Al-Hakam, yeye ni Ibn ‘Abdillaah Al-Baswriy, ametuhadithia Shu’bah toka kwa Sulaymaan toka kwa Waail toka kwa Abiy Mas-‘uwd (رضي الله عنه)   amesema: Ilipoteremka Aayah ya swadaqah, tulikuwa tunabeba mizigo (ya watu). Akaja mtu mmoja, akatoa swadaqah kitu kingi wakasema: Anajionyesha kwa watu. Halafu akaja mtu mwingine akatoa swadaqah ya pishi moja wakasema: Hakika Allaah Hana Haja kabisa na pishi ya huyu. Hapo ikateremka:

 

الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ ۙ سَخِرَ اللَّـهُ مِنْهُمْ وَلَهُمْ عَذَابٌ أَلِيمٌ﴿٧٩﴾

  Wale wanaowafedhehesha kwa kushutumu wenye kujitolea kwa khiari katika kutoa Swadaqah miongoni mwa Waumini, na wale wasiopata (cha kutoa) isipokuwa juhudi zao, wanawafanyia dhihaka, Allaah Analipiza dhihaka zao na watapata adhabu iumizayo. [At-Tawbah: 79]

[Al-Bukhaariy Kitaab Az-Zakaah]

 

Pia,

 

حَدَّثَنِي بِشْرُ بْنُ خَالِدٍ أَبُو مُحَمَّدٍ، أَخْبَرَنَا مُحَمَّدُ بْنُ جَعْفَرٍ، عَنْ شُعْبَةَ، عَنْ سُلَيْمَانَ، عَنْ أَبِي وَائِلٍ، عَنْ أَبِي مَسْعُودٍ، قَالَ لَمَّا أُمِرْنَا بِالصَّدَقَةِ كُنَّا نَتَحَامَلُ فَجَاءَ أَبُو عَقِيلٍ بِنِصْفِ صَاعٍ، وَجَاءَ إِنْسَانٌ بِأَكْثَرَ مِنْهُ، فَقَالَ الْمُنَافِقُونَ إِنَّ اللَّهَ لَغَنِيٌّ عَنْ صَدَقَةِ هَذَا، وَمَا فَعَلَ هَذَا الآخَرُ إِلاَّ رِئَاءً‏.‏ فَنَزَلَتْ: ((‏الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لاَ يَجِدُونَ إِلاَّ جُهْدَهُمْ‏))‏ الآيَةَ‏.‏

Bishr bin Khaalid Abuu Muhammad amenihadithia, Muhammad bin Ja’far ametueleza, toka kwa Shu’bah toka kwa Sulaymaan toka kwa Waail toka kwa Abiy Mas-‘uwd amesema: Tulipoamuriwa (kutoa) swadaqah, tulikuwa tunabeba mizigo (ya watu), akaja Abuu ‘Aqiyl na nusu pishi. Halafu akaja mtu mwingine na kingi zaidi yake na wanafiki wakasema: Hakika Allaah Hana haja hata kidogo na swadaqah ya huyu, na huyu mwingine hakutoa isipokuwa kwa sababu ya riyaa. Ndipo ilipoteremka:

 

الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ ۙ سَخِرَ اللَّـهُ مِنْهُمْ وَلَهُمْ عَذَابٌ أَلِيمٌ﴿٧٩﴾

Wale wanaowafedhehesha kwa kushutumu wenye kujitolea kwa khiari katika kutoa Swadaqah miongoni mwa Waumini, na wale wasiopata (cha kutoa) isipokuwa juhudi zao, wanawafanyia dhihaka, Allaah Analipiza dhihaka zao na watapata adhabu iumizayo. [At-Tawbah: 79]

[Al-Bukhaariy Kitaab At-Tafsiyr]

 

 

Share

Hadiyth

040-Lu-ulu-un-Manthuwrun: Sifa Nne Za Kuchagua Mke Mali, Nasaba, Uzuri Na Dini

Lu-ulu-un-Manthuwrun

(Mkusanyiko Wa Hadiyth Mbali Mbali Na Mafunzo Yake)

Hadiyth Ya 40

Sifa Nne Za Kuchagua Mke Mali, Nasaba, Uzuri Na Dini

Alhidaaya.com

 

 

عَنْ أَبِي هُرَيْرَةَ (رضي الله عنه) عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ: ((تُنْكَحُ الْمَرْأَةُ لأَرْبَعٍ: لِمَالِهَا  وَلِحَسَبِهَا   وَجَمَالِهَا  وَلِدِينِهَا. فَاظْفَرْ بِذَاتِ الدِّينِ تَرِبَتْ يَدَاكَ)) متفق عليه

Imepokelewa kutoka kwa Abuu Hurayrah  (رضي الله عنه)  kwamba Nabiy (صلى الله عليه وآله وسلم)  amesema: ((Mwanamke huolewa kwa sababu nne; Kwa mali yake, nasaba yake [ukoo], uzuri wake na Dini yake. Tafuta mwenye Dini ubakie salama)). [Al-Bukhaariy na Muslim] (yaani usiharibikiwe katika maisha yako). 

 

Mafunzo Na Mwongozo:

 

 

1. Uislamu umetoa mwongozo katika kila jambo hata katika kutafuta mke mwema.

 

2. Kupata mke mwenye Dini ni sababu ya mume kupata utulivu katika maisha ya ndoa, kwani mke mwenye Dini atafuata shariy’ah za Dini yake na atajitahadharisha kutokutoka nje ya mipaka. Anasema Allaah (سبحانه وتعالى):

 

فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّـهُ ۚ  

Basi wanawake wema ni wale watiifu wenye kujihifadhi katika hali ya kutokuweko waume zao kwa kuwa Allaah Ameamrisha wajihifadhi.  [An-Nisaa (4: 34)]

 

 3. Sifa njema nyenginezo za mke mwema mwenye Dini zimetajwa na Allaah (سبحانه وتعالى) katika kauli Yake:

 

 عَسَىٰ رَبُّهُ إِن طَلَّقَكُنَّ أَن يُبْدِلَهُ أَزْوَاجًا خَيْرًا مِّنكُنَّ مُسْلِمَاتٍ مُّؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا﴿٥﴾

Akikutalikini, asaa Rabb Wake Akambadilishia wake bora kuliko nyinyi; Waislamu, Waumini, watiifu na wanyenyekevu, wanaotubia, wenye kufanya ‘ibaadah, wanaofunga Swiyaam au wanaohajiri kwa ajili ya Allaah, wajane, na walio bikra. [At-Tahriym: 5] 

 

 

4. Mke mwenye Dini ni mwenye kumnufaisha mumewe katika kushirikiana kwa kila upande wa maisha yao, ikiwa ni wakati wa furaha na shida, malezi ya watoto, kuhifadhi mali yake, siri yake, nayo ni furaha kamili kwa familia yote.

 

Hadiyth: ((Je, siwaambii hazina bora aliyonayo mwanamme? Ni mke mwema [mchaji Allaah]; ambapo anapomuangalia, anamfurahisha, na anapomuambia chochote, anamtii na anapokuwa hayupo nyumbani, anatizama [mke] maslahi ya mumewe)). [Abu Daawuwd]

 

 

6. Mke mwenye Dini ni sababu mojawapo ya kuidumisha ndoa.

 

 

7. Mke mwenye Dini bila shaka atakuwa ni mwenye taqwa na ni sababu mojawapo ya kupata mafanikio ya duniani na Aakhirah.

 

 

8. Katika uchaguzi wa mume au mke, Dini inatakiwa ipatiwe kipaumbele. 

Share

Fataawa Za 'Ulamaa

Shaykh Fawzaan: Kuhusisha Siku Ya Mawlid Kwa Kuielezea Siyrah Ya Nabiy (Swalla Allaahu 'alayhi wa aalihi wa sallam)
Al-Lajnah Ad-Daa'imah: Tarehe Aliyozaliwa Nabiy Na Hukmu Ya Mashindano Ya Qur-aan Na Kuchinja Na Mihadhara Kwa Ajili Ya Mawlid Yake
Shaykh 'Abdul-Muhsin Al-'Abbaad - Kula Chakula Kinachoandaliwa Kwa Ajili Ya Bid’ah Kama Ya Mawlid
Shaykh 'Abdul-Muhsin Al-'Abbaad - Hukmu Ya Kuitikia Mwaliko Wa Mzushi
Imaam Ibn Baaz: Salaf Walimpenda Zaidi Nabiy Nao Ni Wajuzi Zaidi Na Hawakusherehekea Mawlid.
Imaam Ibn Taymiyyah: Ingelikuwa Kusherehekea Mawlid Ya Nabiy Ni Jambo La Thawabu Maswahaba Wangekuwa Na Haki Zaidi Kututangulia
Al-Lajnah Ad-Daa'imah: Hukmu Ya Kusherehekea Mawlid Ya Nabiy (Swalla Allaahu 'Alayhi Wa Aalihi Wa Sallam)
Imaam Ibn 'Uthaymin: Yangelikuwa Mawlid Ni Katika Ukamilifu Wa Dini Yangekuweko Kabla Ya Kufariki Kwa Rasuli wa Allaah (Swalla Allaahu 'alayhi wa aalihi wa sallam)
Imaam Ibn 'Uthaymin: Ingelikuwa Kusherehekea Mawlid Ni Jambo Alipendalo Allaah Na Rasuli, Lingewekewa Shariy’ah Na Shariy’ah Hiyo Ingehifadhiwa
Imaam Ibn 'Uthaymiyn: Siku Ya Kuzaliwa Nabiy Swalla Allaahu ‘Alayhi Wa Aalihi Wa Sallam Haijulikani
Imaam Ibn Taymiyyah: Kufanya Misimu Ya ‘Ibaadah Bila Ya Kuweko Dalili Ni Bid’ah
Al-Lajnah Ad-Daa'imah: Kula Nyama Inayochinjwa Kwa Ajili Ya Mawlid Nabiy Na Vinginevyo Vya Mawlid
Imaam Ibn Baaz - Hukmu Ya Kuchinja Kwa Ajili Ya Mawlid
Imaam Ibn Baaz - Hukmu ya Maandamano Katika Uislamu
Al-Lajnah Ad-Daaimah: Haijuzu Kufupisha Kumswalia Nabiy (صلى الله عليه وآله وسلم) Katika Maandishi

Sikiliza

QUR-AAN

 

Wasomaji Watoto

 

MAWAIDHA, DURUWS, FATAAWA ZA KIARABU

 

LECTURES TRANSLATED

 

Imaam Ibn Uthaymiyn

 

Shaykh Swaalih Fawzaan

 

MAWAIDHA

 

Mahimizo Kwa Juu Ya Kushikamana Katika Kitabu Na Sunnah Na Kujiepusha Na Furqah

 

Kumuiga Mtume (Swalla Allaahu 'Alayhi Wa Aalihi Wa Sallam)

 

Bid'ah Na Khatari Zake

 

Kufuata Sunnah Za Rasuli (Swalla Allaahu 'alayhi wa aalihi wa sallam) Na Kujiepusha Na Kuzua Diyn Ikiwepo Kutahadharisha Na Bid'ah Ya Mawlid

 

Umuhimu Wa Kuwa Na Msimamo Katika Dini

 

Uharamu Wa Kusherehekea Mawlid Na Shubuhaat Zao 

 

Uwajibu Wa Kufuata Mafunzo Aliyokuja Nayo Mtume Na Kuachana Na Mambo Aliyoyakataza 

 

Ubainifu Wa Uzushi Wa Mawlid Na Baadhi Ya Shubuhaat Wanazotumia

 

Umuhimu Wa Kuwafundisha Watoto 'Aqiydah Kabla Ya Qur-aan

 

Kushikamana Katika Dini Ya Allaah Na Manhaj Ya Salafu Asw-Swaalih Na Kujiepusha Na Kuzua Katika Dini 

 

Makemeo Juu Ya Bid'ah Ya Mawlid 

 

Kushikamana Na Sunnah Na Mwenendo Wa Wema Waliotangulia

 

Kufuata Yale Aliyoyateremsha Allaah Na Kuepukana Na Shirki, Bid'ah Na Maasi