Keki Ya Mirabaraba Ya Malai (Cream Checks Cake)
Vipimo
Keki ya pauni (pound cake) yatayari - 2 (moja ya vanilla na moja ya chokoleti)
Malai ya jibini (cream cheese) - 1 Pakiti
Malai ya karameli (cream caramel) - 1 Pakiti
Mchapo wa malai (whip cream) - 1 Pakiti
Malai ya Nestle (Nestle cream) - 1 Pakiti
Sukari - 1 Kikombe
Shira ya chokoleti (ukipenda) - Kiasi
Karatasi la plastiki (wax paper)
Namna ya kutayarisha
1. Tayarisha treya kwa kutandaza karatasi la plastiki
2. Kata keki vipande kwa umbo la mraba, kisha panga kwenye treya kama ilivyo katika picha
3. Kisha changanya vipimo viliyobakia na mimina juu ya keki na unyunyiziye shira ya chokoleti
4. Halafu pangilia vipande vya keki tena juu ya mchanganyiko wa malai
5. Kisha weka ndani ya freezer kwa muda wa saa moja hivi.
6. Kabla ya kuanda, weka treya nyingine kubwa juu ya keki na upendue keki upande wa pili, kisha toa karatasi na itakuwa tayari kwa kuliwa.
Kidokezo:
Badala ya kuweka mchanganyiko wa malai katikati ya keki, unaweza kutia ice creamu uipendayo, kisha weka keki kwenye freezer kwa muda wa masaa 2 kabla ya kuipakua.