Vipimo

Nyama ya kusaga                                             2 Lb

Kitunguu maji kilichosagwa                                1

Tangawizi iliyosagwa                                         1 Kijiko cha supu

Thomu iliyosagwa                                             1 Kijiko cha supu

Kotmiri iliyokatwa katwa                                   1 kikombe

Maji ya ndimu                                                  1 Kijiko cha supu

Mtindi                                                              2 Vijiko vya supu

Garam masala                                                 1 Kijiko cha supu

Pilipili mbichi iliyosagwa                                     2

Chumvi                                                            Kiasi

Unga wa dengu                                                ¼ Kikombe

Mafuta ya kupakiza wakati wa kuchoma             Kiasi                                   

Nyanya nzima                                                  3

Vitunguu vizima                                                3

Namna Ya Kutayarisha Na Kupika

1. Saga nyama mara mbili iwe laini, kisha changanya vitu vyote isipokuwa kotmiri bakisha kidogo na unga wa dengu tia kijiko kimoja kimoja na huku unakanda na kukisia unga.
2. Funika bakuli na weka ndani ya firiji kwa muda wa saa moja.
3. Toa mchanganyiko firijini na ugawanye vifungu sawa .
4. Kisha paka mafuta kwenye mikono na uvingirishe mchanganyiko kutengeneza umbo la kababu kama kwenye picha.
5. Halafu kata nyanya na vitunguu vipande viwili.
6. Na uchome (grill) pamoja na kababu kwenye jiko la mkaa huku ukigeuza mpaka zigeuke rangi na kuiva.  
7. Zikishakuwa tayari ziweke kwenye sahani pamoja na nyanya na vitunguu vilivyochomwa na tupia kotmiri uliobakisha na itakuwa tayari kuliwa.