Mikate-Mahamri
Buns Za Nyama Ya Kusaga (Aina Ya 1)
Vipimo Vya Nyama
Nyama ya kusaga - 1/2 Kilo
Pili pili manga - 2 Vijiko vya chakula
chumvi - kiasi
Kitunguu saumu(thomu/galic) na tangawizi - 1 kijiko cha chakula
Ndimu - 2 vijiko vya chakula
Bizari mchanganyiko - 1 Kijiko cha chakula
Pilipili boga - Nusu
Vipimo Vya Kukanda Unga Wa Mkate
Unga wa ngano - 3 vikome vikubwa
chumvi - 1 kijiko cha chakula
Hamira - 2 vijiko vya chakula
Samli au siagi - 3 vijiko vya chakula
Maji au nazi - kiasi ya kukandia
Namna Ya Kutayarisha Na Kupika
- Kausha nyama yako kwa vitu vyote isipokuwa pilipili boga, tia mwisho karibu na nyama kukauka. Weka nyama pembeni.
- Changaya unga pamoja na vitu vyote, uvuruge vizuri kwa maji ya vuguvugu (au ukipenda nazi) na ukande ulainike.
- Ukilainika tengeneza madonge ya kiasi, tia nyama ndani yake kwa kuteka na kijiko.
- Panga kwenye treya, yaache madonge yaumuke.
- Yakishaumuka yachome (bake) katika moto wa 300 au 350 kwa muda wa dakika 20 takriban au mpaka yabadilike rangi kidogo na yawive.
- Yakishawiva, epua na upake mafuta kidogo juu yake ili yalainike na tayari kuliwa.