029-Majina Ya Allaah Mazuri Na Swifa Zake أسماء الله الحسنى وصفاته: AL-MUJIYB
أسماء الله الحسنى وصفاته
Majina Ya Allaah Mazuri Na Swifa Zake
الْمُجِيب
Al-Mujiyb
029-Al-Mujiyb: Mwenye Kuitikia
Jina hili limekutaja katika Kauli Yake Allaah (سبحانه وتعالى):
وَإِلَىٰ ثَمُودَ أَخَاهُمْ صَالِحًا ۚ قَالَ يَا قَوْمِ اعْبُدُوا اللَّـهَ مَا لَكُم مِّنْ إِلَـٰهٍ غَيْرُهُ ۖ هُوَ أَنشَأَكُم مِّنَ الْأَرْضِ وَاسْتَعْمَرَكُمْ فِيهَا فَاسْتَغْفِرُوهُ ثُمَّ تُوبُوا إِلَيْهِ ۚ إِنَّ رَبِّي قَرِيبٌ مُّجِيبٌ﴿٦١﴾
Na kwa Thamuwd (Tulimpeleka) ndugu yao Swaalih. Akasema: Enyi kaumu yangu! Mwabuduni Allaah, hamna mwabudiwa wa haki ghairi Yake. Yeye Ndiye Aliyekuanzisheni kutokana na ardhi, na Akakufanyieni makazi humo, basi mwombeni maghfirah, kisha tubieni Kwake. Hakika Rabb wangu Yuko Karibu, Mwenye Kuitikia. [Huwd: 61]
Allaah (سُبْحانَهُ وَتَعالى) Ndiye mwenye kujibu maombi ya wenye kuomba, na kupokea ‘Ibaadah za wenye kuomba, Yeye (سُبْحانَهُ وَتَعالى) Hamkatishi tamaa Muumini kwa du’aa yake wala Harudishi maombi ya Muislaam. Allaah Al-Mujiyb Anaomba aombwe na waja Wake wote katika maombi ya Dini na dunia yao katika chakula, mavazi, makazi kama wanavyoomba hidaaya, maghfirah, islahi na mengineyo. Majibu ya Allaah (سُبْحانَهُ وَتَعالى) yako aina mbili:
Kwanza: Majibu ya jumla kwa waombaji wote:
Anaitikia maombi ya waja Wake vyovyote walivyo, popote walipo, katika hali yoyote, kama Alivyowaahidi katika ahadi Yake ya kweli ambayo haendi kinyume nayo, Anaposema Allaah (سُبْحانَهُ وَتَعالى):
وَقَالَ رَبُّكُمُ ادْعُونِي أَسْتَجِبْ لَكُمْ ۚ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ﴿٦٠﴾
Na Rabb wenu Amesema: “Niombeni, Nitakuitikieni. Hakika wale wanaotakabari katika kuniabudu wataingika Jahanam wadhalilike. [Ghaafir: 60]
Hilo ni jibu la wote walioomba.
Pili: Majibu maalum:
Wenye kumuomba Allaah Al-Mujiyb na wenye kufuata Shariy’ah Zake, wenye ikhlaasw katika ‘ibaadah na maombi yao Anaposema Allaah (سُبْحانَهُ وَتَعالى):
وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ﴿١٨٦﴾
Na watakapokuuliza waja Wangu kuhusu Mimi, basi Mimi ni Niko karibu; Naitikia du’aa ya muombaji anaponiomba. Basi waniitikie Mimi na waniamini Mimi, wapate kuongoka. [Al-Baqarah: 186]
Basi waniitikie Mimi
Yaani: Wanitii amri Zangu, na waniombe, na pindi watakaponiomba, nitawajibu.
Naye Allaah (سُبْحانَهُ وَتَعالى) ni Mwenye kuwajibu majibu maalum kwa wenye haja; Anasema:
أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ ۗ أَإِلَـٰهٌ مَّعَ اللَّـهِ ۚ قَلِيلًا مَّا تَذَكَّرُونَ ﴿٦٢﴾
Au nani Anayemuitika mwenye dhiki mno anapomwomba, na Akamuondoshea ouvu na Akakufanyeni makhalifa wa ardhi? Je, yuko mwabudiwa pamoja na Allaah? Ni machache mno mnayokumbuka. [An-Naml: 62]
Na kwa kila aliyekata matarajio Yake katika viumbe Wake na akaelemeza moyo wake kwa Rabb wake, hupata majibu kulingana nayo. Anasema Allaah (سُبْحانَهُ وَتَعالى):
يَسْأَلُهُ مَن فِي السَّمَاوَاتِ وَالْأَرْضِ ۚ كُلَّ يَوْمٍ هُوَ فِي شَأْنٍ ﴿٢٩﴾
Wanamuomba Yeye kila aliyekuweko mbinguni na ardhini, kila siku Yeye Yumo katika kujaalia mambo. [Ar-Rahmaan: 29]
Nabiy (صَلَّى اللهُ عَلَيْهِ وَآلِهِ وَسَلَّم) akasema katika Hadiyth:
حَدَّثَنَا هِشَامُ بْنُ عَمَّارٍ، حَدَّثَنَا الْوَزِيرُ بْنُ صَبِيحٍ، حَدَّثَنَا يُونُسُ بْنُ حَلْبَسٍ، عَنْ أُمِّ الدَّرْدَاءِ، عَنْ أَبِي الدَّرْدَاءِ، عَنِ النَّبِيِّ ـ صلى الله عليه وسلم ـ فِي قَوْلِهِ تَعَالَى كُلَّ يَوْمٍ هُوَ فِي شَأْنٍ. قَالَ " مِنْ شَأْنِهِ أَنْ يَغْفِرَ ذَنْبًا وَيُفَرِّجَ كَرْبًا وَيَرْفَعَ قَوْمًا وَيَخْفِضَ آخَرِينَ " .
Amesimulia Abu Dardaa kwamba Nabiy (صَلَّى اللهُ عَلَيْهِ وَآلِهِ وَسَلَّم) amesema kuhusu Kauli ya Allaah (سُبْحانَهُ وَتَعالى):
كُلَّ يَوْمٍ هُوَ فِي شَأْنٍ ﴿٢٩﴾
Kila siku Yeye Yumo katika kujaalia mambo. [Ar-Rahmaan: 29]
“Kwa shani Yake Anaghufuria madhambi, na Anafariji dhiki, na Anawanyanyua watu na kuwaangusha wengine.” [Ibn Maajah Kitaab Al-Muqaddimah]
Humnyanyua aliyevunjika, humtajirisha tajiri, na hushiba mwenye njaa na humvisha aliye uchi na humponya mgonjwa, na humnusuru mdhulumiwa na humvunja Jabari. Wote humuomba Yeye Allaah (سُبْحانَهُ وَتَعالى) juu ya kuwa wametofautiana, Naye Hawarudishi katika muradi wao Naye ni mwenye kuwatosheleza.
Faida, Mafunzo Tuyapatayo Na Jinsi Ya Kufanyia Kazi Jina Hili La Allaah; Al-Mujiyb:
1-Kwa vile Allaah (سبحانه وتعالى) Mwenyewe Anasema kuwa Anaitikia duaa za muombaji, basi muelekee Yeye tu umuombe maombi na duaa zako ili Akuitikie.
2-Weka dhana nzuri kwa Al-Mujiyb pindi Anapochelewa kuitikia duaa yako, kwa sababu si kwamba Hakukusikia ukimuomba, bali huenda Anaakhirisha jibu la duaa yako kwa sababu Anazuia jambo baya lisitokee. Au Anataka kukuitikia katika wakati ulio muwafaqa zaidi kwako.
3-Tekeleza amali ambazo zitakupeleka kuitikiwa duaa yako na Al-Mujiyb, kama vile kukimbilia kutenda mema na kumnyenyekea Al-Mujiyb na kumuomba kwa raghba na khofu kama alivyokuwa akifanya Nabiy Zakariyyaa (عليه السّلام):
وَزَكَرِيَّا إِذْ نَادَىٰ رَبَّهُ رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ ﴿٨٩﴾
Na Zakariyyaa, alipomwita Rabb wake: Rabb wangu! Usiniache pekee, Nawe Ndiye Mbora wa wenye kubaki.
فَاسْتَجَبْنَا لَهُ وَوَهَبْنَا لَهُ يَحْيَىٰ وَأَصْلَحْنَا لَهُ زَوْجَهُ ۚ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ ﴿٩٠﴾
Basi Tukamuitikia na Tukamtunukia Yahyaa, na Tukamtengenezea mke wake. Hakika wao walikuwa wakikimbilia katika mambo ya kheri na wakituomba kwa raghba na khofu, na walikuwa wenye kutunyenyekea. [Al-Anbiyaa 89-90]
4-Tanguliza kuomba maghfirah, kutubia, kunyenyekea na kumsabbih Al-Mujiyb, kwani ni njia mojawapo ya kuitikiwa duaa yako. Nabiy Yuwnus (عليه السّلام) aliomba maghfirah na kutubia na kumsabbih Allaah (سبحانه وتعالى) alipokuwa tumboni mwa nyangumi:
وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَىٰ فِي الظُّلُمَاتِ أَن لَّا إِلَـٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ ﴿٨٧﴾
Na Dhan-Nuwn (Yuwnus), alipoondoka akiwa ameghadhibika, akadhani kwamba Hatutamdhikisha. Akaita vizani kwamba: Hapana mwabudiwa wa haki isipokuwa Wewe, Utakasifu ni Wako, hakika mimi nilikuwa miongoni mwa madhalimu.
فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنجِي الْمُؤْمِنِينَ ﴿٨٨﴾
Basi Tukamuitikia, na Tukamuokoa kutokana na ghamu. Na hivyo ndivyo Tuwaokowavyo Waumini. [Al-Anbiyaa (87-88)]
Na Nabiy (صلى الله عليه وآله وسلم) amethibitisha kwamba wito huo ni sababu ya kuitikiwa duaa.
عنْ سَعْدٍ بن أبي وقاص (رضي الله عنه) قَالَ: قَالَ رَسُولُ اللَّهِ (صَلَّى اللَّهُ عَلَيْهِ وَسَلَّم)َ: ((دَعْوَةُ ذِي النُّونِ إِذْ دَعَا وَهُوَ فِي بَطْنِ الْحُوتِ: "لاَ إِلَهَ إلاَّ أَنْتَ سُبْحَانَكَ إِنِّي كُنْتُ مِنْ الظَّالِمِينَ" فَإِنَّهُ لَمْ يَدْعُ بِهَا رَجُلٌ مُسْلِمٌ فِي شَيْءٍ قَطُّ إِلاَّ اسْتَجَابَ اللَّهُ لَهُ))
Kutoka kwa Sa’d bin Abi Waqqaasw (رضي الله عنه) kwamba Rasuli wa Allaah (صلى الله عليه وآله وسلم) amesema: “Du’aa ya Dhan-Nuwn (Nabiy Yuwnus) alipoomba alipokuwa katika tumbo la nyangumi:
لاَ إِلَهَ إلاَّ أَنْتَ سُبْحَانَكَ إِنِّي كُنْتُ مِنْ الظَّالِمِينَ
“Laa ilaaha illa Anta Subhaanaka inniy kuntu minadhw-dhwaalimiyn”
basi hakika hakuna Muislamu aombaye kwayo kitu chochote kile ila Allaah Atamuitikia)) [Swahiyh At-Tirmidhiy (3505), Swahiyh Al-Jaami’ (3383), Takhriyj Al-Mishkaat Al-Maswaabiyh(2232), As-Silsilah Asw-Swahiyhah (1744)]
5-Muombe Al-Mujiyb katika kila hali; unapokuwa katika furaha na dhiki. Hali hizo zimewafikia Manabii wake kama vile Nabiy Ayyuwb (عليه السّلام) alipopatwa maafa kadhaa:
وَأَيُّوبَ إِذْ نَادَىٰ رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ ﴿٨٣﴾
Na Ayyuwb, alipomwita Rabb wake: Hakika mimi imenigusa dhara, Nawe Ndiye Mbora zaidi wa Kurehemu kuliko wengine wote wenye kurehemu.
فَاسْتَجَبْنَا لَهُ فَكَشَفْنَا مَا بِهِ مِن ضُرٍّ ۖ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَىٰ لِلْعَابِدِينَ ﴿٨٤﴾
Tukamuitikia. Basi Tukamuondoshea dhara aliyokuwa nayo, na Tukampa ahli zake na mfano wao pamoja nao. Ni Rehma kutoka Kwetu, na ni ukumbusho kwa wanaoabudu (Allaah). [Al-Anbiyaa (83-84)]
6-Waitikie ndugu zako Waislamu wenye kukuhitaji na ukawa una uwezo wa kuwaitikia na kuwatimizia shida zao, ili nawe upate kuitikiwa shida zako na Al-Mujiyb. Rasuli wa Allaah (صلى الله عليه وآله وسلم) amesema:
((مَنْ لاَ يَرْحَمِ النَّاسَ لاَ يَرْحَمْهُ اللَّهُ عَزَّ وَجَلَّ)) رواه البخاري (6013) ومسلم (2319)
Asiyerehemu watu hatorehemewa na Allaah Aliyetukuka na Aliye Jalali” [Al-Bukhaariy (6013) Muslim (2319)]
7-Usikate tamaa kumuomba Al-Mujiyb hata kama umetenda maasi, kwani Ibliys juu ya kuasi kwake, alimuomba Al-Mujiyb Naye Akaumuitikia:
قَالَ رَبِّ فَأَنظِرْنِي إِلَىٰ يَوْمِ يُبْعَثُونَ﴿٣٦﴾
Akasema: Rabb wangu! Nipe muhula mpaka Siku watakayofufuliwa.
قَالَ فَإِنَّكَ مِنَ الْمُنظَرِينَ﴿٣٧﴾
(Allaah) Akasema: Basi hakika wewe ni miongoni mwa waliopewa muhula.
إِلَىٰ يَوْمِ الْوَقْتِ الْمَعْلُومِ﴿٣٨﴾
Mpaka siku ya wakati maalumu. [Al-Hijr: (36-38)]
Lakini usimfuate Ibliys na maovu yake, bali muombe Al-Mujiyb Akuhidi na Akuongoze katika yanayomridhisha Yeye Allaah (سبحانه وتعالى) ili Asije kukughadhibikia na kukulaani kama Alivyomlaani Ibliys.
