12-Swahiyh Fiqh As-Sunnah: Kitabu Cha Ndoa: Posa Na Hukumu Zake:Inajuzu Mtu Kuwa Mshenga
Swahiyh Fiqh As-Sunnah
كِتَابُ الزَّوَاجِ
Kitabu Cha Ndoa
الخِطْبَةُ وأَحْكَامُهَا
Posa Na Hukumu Zake
12: Inajuzu Mtu Kuwa Mshenga:
Rasuli (Swalla Allaah ‘alayhi wa aalihi wa sallam) alimwombea Mughiyth kwa Bariyrah ili akubali kuolewa naye. Bariyrah akamuuliza Rasuli kama hiyo ni amri au la, na Rasuli akamwambia ni ombi tu, na si amri. Bariyrah akamwambia: Simtaki”.
Ibn ‘Umar alikuwa anapoiwasilisha posa ya mtu kwa wahusika anasema:
"الحَمْدُ للهِ وصَلَّى اللهُ عَلَى مُحَمَّدٍ، إنَّ فُلَانًا خَطَبَ إِلَيْكُمْ فُلَاَنةً، إنْ أنكَحْتُمُوهُ فَالْحمْدُ للهِ، وإن ردَدْتُمُوهُ فَسُبْحَانَ اللهِ"
“Himdi Anastahiki Allaah. Allaah Ampe rahmah Muhammad. Hakika fulani ameleta posa kwenu ya fulani, na ikiwa mtamwozesha, basi Himdi Anastahiki Allaah, na kama mtamrejesha, basi Utakasifu ni wa Allaah”. [Isnaad yake ni swahiyh. Imechakatwa na Al-Bayhaqiy (7/181)]
