Halawiyaat Fatwaair Bil-Jibnah (Vitobosho Vitamu Kwa Jibini)
Halawiyaat Fatwaair Bil-Jibnah (Vitobosho Vitamu Kwa Jibini)
Vipimo:
Manda za sambusa za tayari - *idadi unayotaka
Jibini (cheese) ya vipande
(Ikiwa ni kiri kata kipande kimoja cha jibini katika vipande 5)
Lozi na pistachio zilizosagwa - 1 Kikombe
Namna Ya Kutayarisha Na Kupika
- Kata kata jibini vipande vidogo
- Tia kipande kimoja cha jibini katika manda na uifunike kwa kuizungusha manda hadi mwisho iwe katika umbo la mstatili (kama katika picha)
- Funga mwishoni kwa gundi ya unga kama unavyofunga sambusa.
- Kaanga katika mafuta kama unavyokaanga sambusa.
- Epua kwenye mafuta na tia katika shira kisha zitoe na zipange katika sahani.
- Saga lozi (na pistachio kama unazo) kama unga kisha nyunyizia juu yake.
Shira:
Sukari - 1 Kikombe
Maji - 3/4 Kikombe
Zaafarani rowanisha - 1 kijiko cha chai
Ipikie shira pamoja na zaafarani hadi iwe tayari, isiwe nzito
*Kidokezo:
Wingi wa Halawiyaat Fatwaair Bil-Jibnah zinategemea manda za sambusa na kiasi unachotaka mwenyewe, hivyo kila manda moja ya sambusa utie kipande kimoja cha jibini.
![Share](/sw/sites/all/themes/corporateclean/images/shareiconsmall.png)