Makaroni Na Kuku Wa Tanduri
Makaroni Na Kuku Wa Tanduri
Vipimo
Makaroni - 500 gms
Vipimo Vya Kuku
Kuku - 3 LB
Kitunguu saumu(thomu/galic) na tangawizi iliyosagwa - 2 vijiko vya supu
Tanduri masala - 2 vijiko vya supu
Pilipili mbichi iliyosagwa - 1 kijiko cha supu
Mtindi (yoghurt) - 2 vijiko vya supu
Jiyrah (cummin powder) - 1 kijiko cha chai
Dania (coriander powder) - 1 kijiko cha chai
Pilipili nyekundu ya unga - 1 kijiko cha chai
Chumvi - kiasi
Ukwaju - ¼ kikombe
Namna Ya kutayarisha Na Kupika:
- Changanya vitu vyote pamoja mroweke kuku kwa muda wa masaa
- Mchome (broil) katika oveni au katika jiko la mkaa kama B.B.Q – mweke kando.
Sosi Ya Makaroni
Vitunguu maji viliyokatwa katwa - 3
Kitunguu saumu(thomu/galic) iliyosagwa - 1 kijiko cha chai
Nyanya zilizosagwa - 3
Nyanya kopo - 1 kijiko cha supu
Pilipili manga - 1 kijiko cha chai
Oregano - 1 kijiko cha chai
Nanaa iliyokatwa katwa - 2 msongo (bunch)
Chumvi - kiasi
Mafuta - ¼ kikombe
Namna Ya Kutayarisha na Kupika
- Tia mafuta katika sufuria, kaanga vitunguu maji hadi vigeuke rangi.
- Tia thomu endelea kukaanga, tia nyanya, nyanya kopo, pilipili manga, oregano, chumvi endelea kukaanga.
- Mwisho tia nana koroga sosi ikiwa tayari.
- Makaroni Na Namna Ya Kupakua
- Chemsha makoroni hadi yaive yachuje kwa kumwaga maji.
- Pakuwa macaroni katika sahani au chombo na mwagia sosi juu yake kisha kuku, na tolea na saladi au mapilipili mboga.
![Share](/sw/sites/all/themes/corporateclean/images/shareiconsmall.png)